ആമുഖം

പ്രവാസം പറിച്ചു നടലല്ല...
ഒരു  പറിച്ചെറിയലാണ്...
ചിലതെല്ലാം വേര് പിടിച്ചു മഹാവൃക്ഷങ്ങളാവും

മറ്റു ചിലത് ഇലകളെല്ലാം കൊഴിഞ്ഞു ഉണങ്ങി, ശുഷ്കിച്ചു ...

അതാണ്‌ അനുഭവം,  അന്നും ഇന്നും എന്നും...

എത്ര വലിയ കൂട്ടായ്മ ഉണ്ടായാലും
നഷ്ടപ്പെട്ടതിനോ നഷ്ടപ്പെട്ടുകൊണ്ടിരിക്കുന്നതിനോ പകരം വയ്ക്കാനാകില്ല...

---

ബ്ലോഗര്‍ ചേട്ടന്മാരേ... കുഞ്ഞനിയന്മാരെ...
നിങ്ങളുടെ ലോകത്തേയ്ക്ക് ഈയുള്ളവന്റെ ആദ്യത്തെ കാല്‍വെപ്പ്‌ .

---

മനസ്സില്‍ തോന്നുന്നത് എന്തുമാകട്ടെ അത് കോറിയിടാന്‍ ഒരു ഡയറി .

അത്രയേ ഉദ്യേശിക്കുന്നുള്ളൂ...

തലച്ചോറിനു തീ പിടിക്കുമ്പോള്‍ ഒന്ന്  ആക്രോശിക്കുവാന്‍,

സ്നേഹം നിറഞ്ഞ കവിയുമ്പോള്‍ ഒന്നൊഴിച്ച് വയ്ക്കാന്‍,

സങ്കടം വരുമ്പോള്‍ ഒരു തുള്ളി കണ്ണ് നീരിനും

ഒരിടം.

---

നിരക്ഷരനിലൂടെ സഞ്ചരിച്ചപ്പോഴാണ് സ്വന്തമായി ഒരു ബ്ലോഗ്‌ എന്ന ആശയം ഉദിച്ചത് ...

ഇന്ദ്രധനുസ്സിലും ആദ്യാക്ഷരിയിലും രണ്ടു മൂന്നു തവണ പ്രദക്ഷിണം വെച്ചു.

ഇവ രണ്ടും ഇപ്പോഴും റഫറന്‍സ് ഗ്രന്ഥം തന്നെ.